Laura Pinillos

Laura Pinillos
Irudi gehiago
Bizitza
Jaiotza	1900
Herrialdea	Espainia
Heriotza	Madril, 1970eko azaroaren 2a (69/70 urte)
Heriotza modua	: gibel-gaixotasuna
Familia
Anai-arrebak	ikusi Victoria Pinillos
Hezkuntza
Hizkuntzak	gaztelania
Jarduerak
Jarduerak	vedettea eta aktorea

Laura Pinillos (Espainia, 1900 – Madril, 1970eko azaroaren 2a) Espainiako dantzaria, abeslaria, aktorea eta musika-errebistako vedettea izan zen. Zarzuela abeslaria ere izan zen.

Biografia

Ikuskizunaren munduan hasi zen Victoria ahizparekin batera, Hermanas Pinillos izen artistikoarekin. Izen horrekin, ospe handia lortu zuten 1927-28 Romea Antzokiaren denboraldian: Noche loca, Aligui eta El viajante en cueros.

1930eko hamarkadatik oso ospetsua izan zen, eta errebista eta komedia musikalen generoetan espezializatu zen.^[1] Las Leandras errebista ospetsua 1931n estreinatu zen Bartzelonan, Celia Gámezek Madrilen egiten zuen bitartean. Ospetsuak izan ziren, halaber, Madrileko Teatro Romea Antzerkian egindako emanaldiak, Alady eta José Álvarez "Lepe"-rekin batera, Al cantar el gallo (1935) lanean, esaterako.

Zarzuela antzokian ere lan egin zuen, Antonio Murillorekin batera. Gero, 1940ko hamarkadan, errebista utzi eta lan komikoetan jardun zuen, Paco Martínez Soriarekin profesionalki bat eginda.

Zinemari dagokionez, lau filmetan hartu zuen parte: Curro Vargas (1923), La chica del gato (1927), El famado Carballeira (1940) eta ¡Campeones! (1943).

1940ko hamarkadaren amaieran erretiratu zen arte-bizitzatik. Madrilen hil zen 1970eko azaroaren hasieran.^[2]^[3]

Erreferentziak

↑ Eros. (1970-11-05). «El género frívolo» La Vanguardia Española: 29. ISSN 1133-4835..
↑ «Ha muerto Laura Pinillos» ABC: 93. 1970-11-04 ISSN 1136-0143..
↑ «La muerte de Laura Pinillos» La Vanguardia Española: 61. 1970-11-05 ISSN 1133-4835..